2016 جىلعى 21 قازان, استانا, ۇكىمەت ءۇيى
قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ جۇمىس ىستەۋ قاعيدالارىن, شىعۋ ءتۋريزمى سالاسىندا قىزمەتىن جۇزەگە اسىراتىن تۋروپەراتورلار مەن تۋروپەراتورلار-اۋە كەمەسىمەن جالدانۋشىلار ءۇشىن بانكتىك كەپىلدىكتەرمەن قامتاماسىز ەتۋگە جاتاتىن اقشا سوماسىن, قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسى اكىمشىسى ءۇشىن ارنايى اشىلعان بانكتىك شوتقا اۋدارىلۋى ءتيىس اقشا سوماسىن بەكىتۋ تۋرالى
«قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسىنىڭ زاڭى 10-بابىنىڭ 10-2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان:
1) قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ جۇمىس ىستەۋ قاعيدالارى;
2) شىعۋ ءتۋريزمى سالاسىندا قىزمەتىن جۇزەگە اسىراتىن تۋروپەراتورلار مەن تۋروپەراتورلار-اۋە كەمەسىمەن جالدانۋشىلار ءۇشىن بانكتىك كەپىلدىكتەرمەن قامتاماسىز ەتۋگە جاتاتىن اقشا سوماسى;
3) قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسى اكىمشىسى ءۇشىن ارنايى اشىلعان بانكتىك شوتقا اۋدارىلۋى ءتيىس اقشا سوماسى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ
قازاقستان رەسپۋبليكاسى ۇكىمەتىنىڭ 2016 جىلعى 21 قازانداعى
№607 قاۋلىسىمەن بەكىتىلگەن
قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ جۇمىس ىستەۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ جۇمىس ىستەۋ قاعيدالارى «قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسىنىڭ زاڭى (بۇدان ءارى – زاڭ) 10-بابىنىڭ 10-2) تارماقشاسىنا سايكەس ازىرلەندى جانە قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ جۇمىس ىستەۋ ءتارتىبىن رەتتەيدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) ارنايى شوت – قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ اكىمشىسى ءۇشىن ارنايى اشىلعان بانكتىك شوت;
2) قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسى – قازاقستان رەسپۋبليكاسىنىڭ ازاماتتارى, تۋراگەنتتەر, تۋروپەراتورلار, تۋروپەراتورلار-اۋە كەمەسىمەن جالدانۋشىلار, قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ (بۇدان ءارى – جۇيە) اكىمشىسى جانە قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىن قورعاۋدى قامتاماسىز ەتەتىن ۋاكىلەتتى ورگان اراسىنداعى قۇقىقتىق قاتىناستار جيىنتىعى;
3) قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ اكىمشىسى – قازاقستان رەسپۋبليكاسىنىڭ ۇكىمەتى ايقىنداعان, جالعىز قىزمەت ءتۇرى قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسى اكىمشىسىنىڭ (بۇدان ءارى – جۇيە اكىمشىسى) فۋنكتسيالارىن جۇزەگە اسىرۋ بولىپ تابىلاتىن زاڭدى تۇلعا;
4) ۋاكىلەتتى ورگان – تۋريستىك قىزمەت سالاسىنداعى مەملەكەتتىك باسقارۋ فۋنكتسيالارىن جۇزەگە اسىراتىن ورتالىق اتقارۋشى ورگان.
2. جۇيەنىڭ جۇمىس ىستەۋ ءتارتىبى
3. جۇيەنىڭ سۋبەكتىلەرى:
1) شىعۋ ءتۋريزمى سالاسىنداعى قىزمەتتى جۇزەگە اسىراتىن تۋروپەراتورلار ء(بۇدان ءارى – تۋروپەراتورلار);
2) شىعۋ ءتۋريزمى سالاسىنداعى قىزمەتتى جۇزەگە اسىراتىن تۋروپەراتورلار – اۋە كەمەسىمەن جالدانۋشىلار (بۇدان ءارى – تۋروپەراتورلار-اۋە كەمەسىمەن جالدانۋشىلار);
3) شىعۋ ءتۋريزمى سالاسىنداعى قىزمەتتى جۇزەگە اسىراتىن تۋراگەنتتەر (بۇدان ءارى – تۋراگەنتتەر);
4) جۇيە اكىمشىسى بولىپ تابىلادى.
4. تۋروپەراتورلار جانە تۋروپەراتورلار-اۋە كەمەسىمەن جالدانۋشىلار زاڭنىڭ 27-3-بابىنىڭ 1-تارماعىندا كوزدەلگەن مىندەتتەمەلەردىڭ ورىندالۋىن قامتاماسىز ەتۋ ماقساتىندا جۇيە اكىمشىسىنە مىنالاردى:
1) تۋروپەراتورلارمەن جانە تۋروپەراتورلار-اۋە كەمەسىمەن جالدانۋشىلارمەن قازاقستان رەسپۋبليكاسىنىڭ ەكىنشى دەڭگەيدەگى بانكىمەن جاساسقان قازاقستان رەسپۋبليكاسىنىڭ ۇكىمەتى بەكىتكەن سوماداعى اقشانى بانكتىك كەپىلدىك شارتىنىڭ تۇپنۇسقاسىن نە نوتاريات كۋالاندىرعان كوشىرمەسىن;
2) تۋروپەراتورمەن نەمەسە تۋروپەراتور-اۋە كەمەسىمەن جالدانۋشىمەن ارنايى شوتقا تۋراگەنت قازاقستان رەسپۋبليكاسىنىڭ ازاماتىنا وتكىزگەن ءاربىر تۋريستىك ونىمنەن قازاقستان رەسپۋبليكاسىنىڭ ۇكىمەتى بەكىتكەن اقشا سوماسىن اۋدارعان تۋرالى مالىمەتتەردى بەرەدى.
5. ارنايى شوتقا قازاقستان رەسپۋبليكاسىنىڭ ۇكىمەتى بەكىتكەن سومادا اقشانى اۋدارۋ تۋرالى مالىمەتتى جۇيە اكىمشىسى بەلگىلەنگەن نىسان بويىنشا تۋروپەراتورلارمەن جانە/نەمەسە تۋروپەراتورلار-اۋە كەمەسىمەن جالدانۋشىلارى اي سايىن ەسەپتى ايدان كەيىنگى ايدىڭ 5 كۇنىنەن كەشىكتىرمەي جۇيە اكىمشىسىنە بەرەدى.
جۇيە اكىمشىسى اي سايىن تۋروپەراتورلارمەن جانە/نەمەسە تۋروپەراتورلار- اۋە كەمەسىمەن جالدانۋشىلارمەن قازاقستان رەسپۋبليكاسىنىڭ ازاماتتارىنا وتكىزگەن تۋريستىك ونىمدەر مالىمەتتەرى جانە ارنايى شوتقا اۋدارىلۋعا ءتيىس اقشا سومالارى بويىنشا سالىستىرۋدى جۇرگىزەدى.
6. جۇيە اكىمشىسى ءوز فۋنكتسيالارىن ورىنداۋ كەزىندە تۋروپەراتورمەن جانە تۋروپەراتور-اۋە كەمەسىمەن جالدانۋشىلارمەن قازاقستان رەسپۋبليكاسىنىڭ ەكىنشى دەڭگەيدەگى بانكىمەن جاساسقان قازاقستان رەسپۋبليكاسىنىڭ ازاماتىنا وتكىزگەن ءاربىر تۋريستىك ونىمنەن اۋدارىلاتىن اقشا سومالارىنىڭ جانە بانكتىك كەپىلدىكتەرمەن قامتاماسىز ەتۋگە جاتاتىن سومالاردىڭ مولشەرىن يندەكستەۋ بويىنشا ۋاكىلەتتى ورگانعا ۇسىنىستاردى دايىنداۋ ءۇشىن تالدامالىق جانە زەرتتەۋ جۇمىستارىن جۇزەگە اسىرادى.
7. جۇيە اكىمشىسى جىل سايىن ءوز قىزمەتى تۋرالى ەسەپتى جۇيە اكىمشىسىنىڭ ينتەرنەت-رەسۋرسىندا ورنالاستىرادى جانە ولاردى ەسەپتىك كەزەڭنەن كەيىنگى كۇنتىزبەلىك 30 كۇن وتكەن سوڭ قازاقستان رەسپۋبليكاسىنىڭ بارلىق اۋماعىنا تاراتىلاتىن مەرزىمدى ءباسپاسوز باسىلىمدارىن جاريالايدى.
3. قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى
قۇقىقتارىن قورعاۋ جونىندەگى ءىس-شارالاردى جۇزەگە اسىرۋ ءتارتىبى
8. قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىن قورعاۋ بويىنشا ءىس-قيمىلدارى (بۇدان ءارى – ازاماتتاردىڭ قۇقىقتارىن قورعاۋ جونىندەگى ءىس-قيمىلدار) مىنالاردى قامتيدى:
1) تۋريست بولىپ تابىلاتىن قازاقستان رەسپۋبليكاسىنىڭ ازاماتتارىن ۋاقىتشا بولاتىن ەلدەگى (جەردەگى) اۋماعىنان قازاقستان رەسپۋبليكاسىنىڭ اۋماعىنا اۆياكولىگى, تەمىرجول كولىگى, اۆتوكولىك نەمەسە سۋ كولىگى ارقىلى قايتارۋ;
2) تۋريست بولىپ تابىلاتىن قازاقستان رەسپۋبليكاسىنىڭ ازاماتتارىن قازاقستان رەسپۋبليكاسىنىڭ اۋماعىنا قايتارۋعا دەيىنگى ۋاقىتتا, ولاردى قوناق ءۇي نەمەسە باسقا دا ورنالاستىرۋ ورىندارىنا ورنالاستىرۋدى (ۋاقىتشا ءتۇرۋ) قامتاماسىز ەتۋ (ەگەر قايتارۋدى ەرىكسىز كۇتۋ مەرزىمى كۇندىزگى ۋاقىتتا 8 ساعاتتان كوپ, ال تۇنگى ۋاقىتتا 6 ساعاتتان كوپ بولسا);
3) تۋريست بولىپ تابىلاتىن قازاقستان رەسپۋبليكاسىنىڭ ازاماتتارىن ۋاقىتشا بولعان مەملەكەتتەگى بولعان ورىنىنان قازاقستان رەسپۋبليكاسىنىڭ اۋماعىنا قايتارۋ جۇزەگە اسىرىلاتىن ورىنعا دەيىن جەتكىزۋ;
4) تۋريست بولىپ تابىلاتىن قازاقستان رەسپۋبليكاسى ازاماتتارىنىڭ تاماقتاندىرۋلارىن ۇيىمداستىرۋ (ەگەر قايتارۋدى ەرىكسىز كۇتۋ مەرزىمى 4 ساعاتتان كوپ بولسا).
9. ازاماتتاردىڭ قۇقىقتارىن قورعاۋ بويىنشا ءىس-قيمىلداردى جۇزەگە اسىرۋ تۋرالى شەشىمدى جۇيە اكىمشىسى ۋاكىلەتتى ورگانمەن كەلىسۋ بويىنشا مىناداي جاعدايلاردا:
1) قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارى بۇزىلعان جاعدايدا, ونىڭ جازباشا نەمەسە اۋىزشا ءوتىنىشى بولعاندا;
2) شىعۋ ءتۋريزمى سالاسىنداعى تۋريستىك قىزمەت تۋرالى قازاقستان رەسپۋبليكاسىنىڭ زاڭناماسىن بۇزۋ فاكتىلەرى بويىنشا مەملەكەتتىك ورگانداردىڭ ءوتىنىشى بولعاندا;
3) قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىن بۇزۋ فاكتىلەرى بويىنشا تۋريستەر بىرلەستىگىنىڭ (بىرلەستىكتەرىنىڭ) جازباشا ءوتىنىشى بولعاندا;
4) قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىن بۇزۋ فاكتىلەرى بويىنشا بۇقارالىق اقپارات قۇرالدارىنىڭ ءوتىنىشى بولعاندا;
5) شىعۋ ءتۋريزمى سالاسىندا قازاقستان رەسپۋبليكاسى ازاماتتارىنىڭ ومىرىنە جانە دەنساۋلىعىنا زيان كەلتىرۋ قاۋپى تۋىنداعان وزگە دە جاعدايلاردا قابىلدايدى.
10. وسى قاعيدالاردىڭ 9-تارماگىندا كورسەتىلگەن جاعدايلار ورىن العان كەزدە جۇيە اكىمشىسى ءبىر تاۋلىك ىشىندە مىناداي شارالاردى قابىلدايدى:
1) مالىمەتىنىڭ دۇرىستىعىن, ورىنداۋ مۇمكىن ەمەستىگى, تۋريستىك قىزمەت كورسەتۋ شارتى بويىنشا تۋروپەراتور مەن تۋروپەراتور-اۋە كەمەسىمەن جالدانۋشىنىڭ مىندەتتەمەلەردى ورىنداماۋىن جانە/نەمەسە دۇرىس ورىنداماۋىن انىقتايدى;
2) وسى قاعيدالاردىڭ 9-تارماعىندا كورسەتىلگەن مالىمەتتەر راس بولعان جاعدايدا ازاماتتاردىڭ قۇقىقتارىن قورعاۋ بويىنشا ءىس-قيمىلداردى جۇزەگە اسىرۋ تۋرالى شەشىمدى ۋاكىلەتتى ورگانمەن كەلىسىپ قابىلدايدى;
3) ۋاكىلەتتى ورگانمەن كەلىسۋ بويىنشا قابىلدانعان شەشىم تۋرالى تۋروپەراتور نەمەسە تۋروپەراتور-اۋە كەمەسىمەن جالدانۋشى باسشىسىن, تۋريستەر بولعان ەلدەگى قازاقستان رەسپۋبليكاسىنىڭ شەتەلدەگى مەكەمەسىن ەسكەرتەدى, سونداي-اق قازاقستان رەسپۋبليكاسىنىڭ ازاماتتارىن بۇقارالىق اقپارات قۇرالدارى ارقىلى حاباردار ەتەدى.
11. ازاماتتاردىڭ قۇقىقتارىن قورعاۋ بويىنشا ءىس-قيمىلدار جۇيە اكىمشىسىنىڭ وسى قاعيدالاردىڭ 8-تارماعىندا كورسەتىلگەن قىزمەتتەر كورسەتەتىن ءۇشىنشى تۇلعالارمەن (ولاردىڭ بىرلەستىكتەرىمەن) جاسالعان شارتتارعا سايكەس جۇزەگە اسىرىلادى.
12. وسى قاعيدالاردىڭ 8-تارماعىندا كورسەتىلگەن ازاماتتاردىڭ قۇقىقتارىن قورعاۋ بويىنشا ءىس-قيمىلداردى جۇزەگە اسىرۋ ءۇشىن جۇيە اكىمشىسىنىڭ ارنايى شوتىنداعى قاراجات جەتپەگەن جاعدايدا, سونداي-اق, ارنايى شوتتان پايدالانىلعان قاراجاتتى وتەۋ ءۇشىن جۇيە اكىمشىسى تۋريستىك قىزمەتتەر كورسەتۋ شارتى بويىنشا مىندەتتەمەلەرىن ورىنداماعان تۋروپەراتوردىڭ جانە/نەمەسە تۋروپەراتور-اۋە كەمەسىمەن جالدانۋشىنىڭ بانكتىك كەپىلدەمەسىنىڭ مىندەتتەمەلەرىن ورىنداۋ بويىنشا تالاپ قويادى.
ەكىنشى دەڭگەيدەگى بانكتەر جۇيە اكىمشىسى تالابىنىڭ نەگىزىندە, تالاپ تۇسكەن ساتتەن باستاپ كۇنتىزبەلىك 5 كۇن ىشىندە جۇيە اكىمشىسىنىڭ پايداسىنا نەمەسە جۇيە اكىمشىسى بەلگىلەگەن ءۇشىنشى تۇلعالارعا بانكتىك كەپىلدىكتەرمەن قامتاماسىز ەتىلگەن سومالار شەگىندە اقشانى تولەۋدى قامتاماسىز ەتەدى.
قازاقستان رەسپۋبليكاسى ۇكىمەتىنىڭ 2016 جىلعى 21 قازانداعى
№607 قاۋلىسىمەن بەكىتىلگەن
شىعۋ ءتۋريزمى سالاسىندا قىزمەتىن جۇزەگە اسىراتىن تۋروپەراتورلار مەن تۋروپەراتورلار-اۋە كەمەسىمەن جالدانۋشىلار ءۇشىن بانكتىك كەپىلدىكتەرمەن قامتاماسىز ەتۋگە جاتاتىن اقشا سوماسى
ر/س
№ شىعۋ ءتۋريزمى سالاسىندا قىزمەتىن جۇزەگە اسىراتىن سۋبەكتىلەر بانكتىك كەپىلدىكتەرمەن قامتاماسىز ەتۋگە جاتاتىن اقشا سوماسى
1. تۋروپەراتور 5000 اەك
2. تۋروپەراتور-اۋە كەمەسىمەن جالدانۋشى 15000 اەك
قازاقستان رەسپۋبليكاسى ۇكىمەتىنىڭ 2016 جىلعى 21 قازانداعى
№607 قاۋلىسىمەن بەكىتىلگەن
قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسى اكىمشىسى ءۇشىن ارنايى اشىلعان بانكتىك
شوتقا اۋدارىلۋى ءتيىس اقشا سوماسى
ر/س
№ قازاقستان رەسپۋبليكاسى ازاماتتارىنىڭ شىعۋ ءتۋريزمى سالاسىنداعى قۇقىقتارىنا كەپىلدىك بەرۋ جۇيەسىنىڭ سۋبەكتىسى وتكىزگەن ءاربىر تۋريستىك ونىمنەن بانكتىك شوتقا اۋدارىلۋى ءتيىس اقشا سوماسى
1. تۋروپەراتور 0,5 اەك
2. تۋروپەراتور-اۋە كەمەسىمەن جالدانۋشى 0,5 اەك